ਨਾ ਤੈਨੂੰ ਕਿਸੇ ਹਿਸਾਬ-ਕਿਤਾਬ ਦੀ ਲੋੜ ਹੈ ਨਾ ਹੀ ਮੈਨੂੰ, ਪਿਆਰ 'ਚ ਜਰਬਾਂ ਤਕਸੀਮਾਂ ਨਹੀਂ ਰੂਹਾਂ ਦੀਆਂ ਰਮਜ਼ਾਂ ਹੁੰਦੀਆਂ ਨੇ!
ਲੋਕ ਕੁਝ ਵੀ ਕਹਿਣ, ਕੰਧ ਤੇ ਲਿਖਿਆ ਹਰ ਕੋਈ ਪੜ੍ਹ ਲੈਂਦਾ ਹੈ ਪਰ ਦਿਲ ਤੇ ਲਿਖਿਆ ਕੋਈ ਕੋਈ ਹੀ ਪੜ੍ਹ ਸਕਦਾ ਹੈ!
ਸੋਹਣੇ ਲੱਗਦੇ ਨੇ ਨਾ ਪਿਆਰ ਦੇ ਸਰੂਰ 'ਚ ਪਾਲ਼ੇ ਗਏ ਸੁਫਨੇ? ਇਹ ਸੁਫਨੇ ਬਹੁਤੀ ਵਾਰ ਪਾਣੀ ਦੇ ਬੁਲਬੁਲੇ ਬਣ ਕੇ ਰਹਿ ਜਾਂਦੇ ਨੇ ਕਿਉਂਕਿ ਹਕੀਕਤ ਦੇ ਰਾਜ਼ ਛੁਪਾਇਆਂ ਵੀ ਨਹੀਂ ਛੁਪਦੇ!
ਕਦੀ ਸੋਚਿਆ? ਕਿਸੇ ਭਟਕਦੇ ਰਾਹੀ ਨੂੰ ਮੰਜ਼ਿਲ ਤੇ ਪਹੁੰਚਾਉਣ ਵਾਲ਼ੇ ਪੈਰ ਕਿਹੜੇ ਚਾਅ ਨਾਲ਼ ਚੁੱਕੀ ਫਿਰਦੇ ਨੇ ਓਸ ਆਸਵੰਦ ਰੂਹ ਦਾ ਭਾਰ!
"ਕਹਿਣਾ ਕੀ ਚਾਹੁੰਦੇ ਤੂੰ" ਤੂੰ ਕਈ ਵਾਰ ਪੁੱਛਿਆ ਸੀ ਮੈਨੂੰ,,,,, "ਤੂੰ ਸੁਣਨਾਂ ਕੀ ਚਾਹੁੰਦੀ ਹੈਂ?" ਇਕ ਵਾਰ ਹੀ ਮਸਾਂ ਕਹਿ ਸਕਿਆ ਸੀ ਮੈਂ, ਤੈਨੂੰ!
1 ਦਸੰਬਰ 2015
No comments:
Post a Comment